/ / Новости PRAVO.BY
17.10.2014

Праблемныя пытанні тэорыі і гісторыі беларускай дзяржаўнасці і права абмеркавалі на юрыдычным факультэце БДУ

Круглы стол «Праблемныя пытанні тэорыі і гісторыі беларускай дзяржаўнасці і права», арганізаваны кафедрай тэорыі і гісторыі дзяржавы і права юрыдычнага факультэта БДУ, адбыўся ў Мінску 17 кастрычніка.

Узначаліла пасяджэнне прафесар кафедры тэорыі і гісторыі дзяржавы і права Таісія Доўнар. Прафесар выступіла з прамовай «Дасягненні і недахопы ў развіцці гісторыка-прававой навукі Беларусі». І рассказала пра ўласны досвед даследванняў гісторыі беларускага права.

Удзельнікі круглага стала абмеркавалі асаблівасці развіцця навукі гісторыі палітычнай і прававой думкі нашай краіны, розныя аспекты права на тэррыторыі Беларусі на розных гістарычных этапах (у часы ВКЛ, Рэчы Паспалітай, Расійскай імперыі, СССР і постсавецкі перыяд) і ў сучасным міжнародным кантэксце, а таксама іншыя пытанні.

Дарэчы, мерапрыемства з’явілася нагодай, каб павіншаваць Таісію Доўнар з юбілеем, які яна адсвяткавала некалькі дзён таму. Прафесар атрымала віншаванні ад сваіх калег па факультэце і кіраўніцтва юрфака, прадстаўнікоў Нацыянальнага цэнтра прававой інфармацыі, Нацыянальнага цэнтра заканадаўства і прававых даследванняў, калег-юрыстаў з іншых навучальных устаноў.

Таісія Доўнар – прафесар, доктар юрыдычных навук, даследуе асаблівасці развіцця беларускай дзяржаўнасці і нацыянальнага права на розных гістарычных этапах. Яна аўтар звыш 240 навуковых і навукова-метадычных прац. У іх ліку 4 манаграфіі, падручнік, два курсы лекцый і звыш 10 вучэбных і вучэбна-метадычных дапаможнікаў. Асобныя навуковыя працы прысвяціла гісторыі канстытуцыйнага, крымінальнага і грамадзянскага права, палітыка-прававой думцы Беларусі. Уваходзіць у лік аўтараў і перакладчыкаў энцыклапедычнага выдання «Статут Вялікага княства Літоўскага 1588 г.» (1989).

Па інфармацыі Нацыянальнага цэнтра прававой інфармацыі Рэспублікі Беларусь
Пры выкарыстанні матэрыяла спасылка на Нацыянальны цэнтр прававой інфармацыі Рэспублікі Беларусь абавязковая!
(фота - НЦПІ)